ABŞ səlahiyyətliləri Maskı və şirkətini yoxlamağa başladılar

ABŞ federal hakimiyyət orqanları "SpaceX" və onun rəhbəri İlon Maskın məxfiliyi pozması iddiaları ilə bağlı yoxlamalar aparmağa başlayıb.

Bu barədə "New York Times" mənbələrə istinadla məlumat yayıb.

Nəşrin məlumatına görə, söhbət ABŞ Hərbi Hava Qüvvələri (HHQ), Müdafiə Nazirliyinin baş müfəttişi və müdafiə nazirinin kəşfiyyat və təhlükəsizlik üzrə müavini tərəfindən həyata keçirilən üç yoxlamadan gedir.

Bildirilib ki, "SpaceX" şirkəti və onun rəhbəri Dövlət Sirrinin qorunmasına yönəlmiş məlumatları açıqlayan zaman qaydalar a riayət edilməyib.

Qeyd edilib ki, Musk və onun təşkilatı dəfələrlə federal qaydalara əməl etməyib. Məsələn, xarici ölkələrin liderləri ilə görüşlərinin bəzi təfərrüatlarını açıqlamayıblar.