Kembric Universitetinin alimləri müəyyən ediblər ki, hər gün bir saat gəzmək ömrü bir neçə il artıraraq, ürək xəstəlikləri və şəkərli diabetin inkişaf riskini azaldır.
Tədqiqatda 400 minə yaxın orta yaşlı insan iştirak edib. Alimlər 13 il ərzində onların fiziki fəaliyyətini izləyib və sağlamlıq məlumatlarını toplayıblar.
Məlum olub ki, müntəzəm gəzinti ürək-damar xəstəliklərinin və şəkərli diabetin inkişaf riskini azaldır, ömrü uzadır. Üstəlik, hətta orta gəzinti tempi də sağlamlığa müsbət təsir göstərir.
Mütəxəssislər müntəzəmliyin vacibliyini vurğulayırlar: nəzərə çarpan təsirə nail olmaq üçün həftədə ən azı beş dəfə gəzmək tövsiyə olunur.
Tədqiqatçılar həmçinin qeyd edirlər ki, yeriməyə başlamaq heç vaxt gec deyil. Hətta əvvəllər oturaq həyat tərzi keçirənlər də gündə 15-20 dəqiqə gəzinti ilə başlayıb, tədricən müddəti bir saata qədər artıraraq sağlamlıqlarını yaxşılaşdıra bilərlər.
Mütəxəssislər rahat temp və rahat marşrut seçməyi məsləhət görürlər ki, gəzinti həyat tərzinizin xoş və daimi hissəsinə çevrilsin.
Ömrü uzatmağın asan yolu - Həkim məsləhəti
D vitamini ürək xəstəliklərindən qoruyur?
Yürüş zamanı daha çox kalori itirməyin sadə üsulu
D vitamini əlavələrinin qəbulu ürək sağlamlığına necə təsir edir?
İnsult riskini azaltmaq üçün gündə neçə fincan qəhvə içməli?