Ermənistanın İrəvanın şimal-qərbində yerləşən Aparan şəhərində güclü qasırğa nəticəsində 4 nəfər xəsarət alıb.
Bu barədə "Facebook"da ölkənin Daxili İşlər Nazirliyinin mətbuat katibi Narek Sarkisyan məlumat verib.
Onun sözlərinə görə, saat 16:10-dan (Bakə vaxtı ilə eyni) güclü qasırğa rayonda binaların dam örtüklərinə və nəqliyyat vasitələrinə ziyan vurub. Dörd zərərçəkənə tibbi yardım lazım olub.
"Sputnik Ermənistan"ın məlumatına görə, onların arasında üç böyük və bir uşaq var. Onlar orta və yüngül xəsarət alıblar.
Son məlumatlara görə, qasırğa 21 binanın dam örtüyünə, 19 minik avtomobilinə və üç yük maşınına ziyan vurub, 15 ağacı və 8 elektrik dirəyini uçurub.
Təhlükəsizlik məqsədilə şəhərdə işıq, qaz və su təchizatı dayandırılıb.
Binanın dam örtüyü qopdu, avtomobillərin üstünə düşdü
Rusiyada son 60 ilin ən güclü qasırğası - Ölənlər var
Mingəçevirdə həyətləri su basıb, ağaclar aşıb: Xəsarət alan var
İçərişəhərdəki restoranda lift qırıldı - XƏSARƏT ALANLAR VAR
Sentyabrın 11-dək diqqətli olun! - Təhlükə xəbərdarlığı