Bu gün Azərbaycanın üç idmançısı və qadınlardan ibarət 3x3 basketbol millisi Fransanın paytaxtı Parisdə keçirilən Yay Olimpiya Oyunlarında çıxış edəcək.
3x3 basketbol yığması əvvəlcə Avstraliya, daha sonra Çin komandaları ilə üz-üzə gələcək.
100 kq-dan yuxarı çəkidə mübarizə aparan cüdoçu Uşanqi Kokauri 1/16 final mərhələsində Rafael Silvanın (Braziliya) müqavimətini qırmağa çalışacaq.
Batut gimnastikası üzrə millimizin üzvü Selcan Mahsudova təsnifat mərhələsində bacarığını göstərəcək.
Boksçu Murad Allahverdiyev (80 kq) isə 1/4 finalda Qazaxıstandan olan Nurbek Oralbayla döyüşəcək.
Qeyd edək ki, Paris-2024 avqustun 11-də başa çatacaq. Azərbaycan təmsilçilərindən cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Boksçu Alfonso Dominqes (92 kq) yarımfinala vəsiqə qazanmaqla ən azı bürünc medalı təmin edib.
İdmançılarımızın Paris-2024-dəki çıxışları bu gün də İTV-də canlı yayımlanacaq:
Paris-2024: Azərbaycanın dünya çempionu olan cüdoçusu mübarizəyə başlayır
Paris-2024: Azərbaycan medal sıralamasında 15-ci pilləyə yüksəlib
Emin Əmrullayev kişi və qadın basketbolçularımızı təbrik edib
Paris-2024: Azərbaycan cüdoçusu final görüşü zamanı ciddi zədə aldı, xəstəxanalıq oldu
Azərbaycan idmançısı Paris-2024-ə məğlubiyyətlə başladı