Çin hakimiyyəti ABŞ-nin Nüvə Silahlarının Yayılmaması Müqaviləsini pozmasını qəbuledilməz hesab edir və müvafiq ABŞ silahlarının Avropa ərazisindən çıxarılmasını tələb edir.
Bu barədə Çin Xarici İşlər Nazirliyinin rəsmi nümayəndəsi Mao Nin bildirib.
"ABŞ-nin nüvə silahlarının onlara malik olmayan NATO ölkələrinin ərazisinə yerləşdirilməsi və bu silahların həmin dövlətlərin qırıcı təyyarələri tərəfindən çatdırılmasına icazə verməsi müqavilənin açıq şəkildə pozulmasıdır", - o, brifinqdə deyib.
Pekin razılaşmanı pozan dövlətləri "soyuq müharibə zehniyyətindən" əl çəkməyə çağırır. XİN nümayəndəsi nüvə silahının eyni şəkildə Asiya-Sakit okean regionuna daşınmasının qəbuledilməz olduğunu da vurğulayıb.
Xatırladaq ki, Nüvə Silahlarının Yayılmaması Sazişi 1968-ci ildə bağlanıb və Rusiya, Böyük Britaniya, Çin, ABŞ, Fransanın nüvə arsenallarını qanuniləşdirib. Sənədi imzalayan digər dövlətlər kütləvi qırğın silahı yaratmaq və ya əldə etmək hüququndan məhrumdurlar. 190-dan çox ölkə sazişin iştirakçısıdır. İsrail, Hindistan, Pakistan, Şimali Koreya 2003-cü ilin yanvarında müqavilədən çıxıb.
RUSİYADAN ABŞ-A ŞOK REAKSİYA: NÜVƏ ZƏRBƏSİ İLƏ…
İsrail İranın nüvə silahı əldə etməsinin qarşısını alacaq
"İranın nüvə sazişi ölüb, lakin biz bunu elan edə bilmərik" - Bayden
"Kiyevə heç bir nüvə zərbəsi olmayacaq" - Arestoviç
Lavrov Putinin bu sözlərini TƏKZİB ETDİ