Naxçıvanda güclü yağış bəzi avtomobil yollarında məhdudiyyət yaradıb

Naxçıvanda güclü yağış nəticəsində bir neçə avtomobil yolunda məhdudiyyət yaranıb.

Bu barədə "Naxçıvan Avtomobil Yolları Dövlət Agentliyi"nin Mətbuat xidmətindən bildirilib.

Məlumata görə, Şahbuz rayonunun Ayrınc, Qızıl Qışlaq və Kükü kənd ərazisində müşahidə olunan güclü yağış avtomobil yollarının hərəkət hissəsində məhdudiyyət yaradıb.

Problemlə bağlı məlumat daxil olan kimi qeyd olunan ərazilərə Agentliyin xüsusi texnika və canlı qüvvələri səfərbər olunublar.

Hazırda yollarda təmizləmə işləri davam etdirilir.

21:10

Şahbuza yağan güclü yağış fəsadlar törədib.

Naxçıvan Muxtar Respublikasında qeyri-sabit hava şəraiti nəticəsində Şahbuz rayonunun bəzi kəndlərinə güclü yağış yağıb.

Yağışdan sonra Şahbuz rayonundan Ayrinc, Kükü kəndlərinə gedən yol bağlanılıb, avtomobillər yolda qalıblar. Güclü yağış və sel rayonun Ayrinc kəndində dağıntı və fəsadlar törədib, yollar bağlanıb.