İranda neft hasil olunan bölgələrdə fəhlələr tətil edirlər

İranda neft hasil olunan bölgələrdə bir neçə şirkətin layihələr üzrə işləyən fəhlələri tətil edirlər.

Bu barədə Qeyri-Rəsmi Neftçilər Təşkilatı Şurası bildirib.

Məlumata görə, tətilə 3000-dən çox fəhlə qatılıb.

Etiraz aksiyası iştirakçıları əməkhaqlarının artırılması, 14 gün iş, 14 gün istirahət günün olmasını, iş şəraitinin yaxşılaşdırılmasını tələb edirlər.

Vurğulanıb ki, son aylar İranın Kerman, Mazandaran, Yəzd, Xorasan-Rəzəvi, Cənubi Xorasan, Semnan bölgələrində daş kömür, mis, dəmir, xrom mədənlərinin fəhlələri də tətil ediblər.