5 günlük bayram tətili başa çatdı

Bu gün Azərbaycanda Dünya Azərbaycanlılarının Həmrəyliyi Günü və Yeni il bayramı münasibətilə olan beş günlük tətil başa çatıb.

Tətil günləri 2022-ci ilin dekabr ayının 31-i, 2023-cü ilin yanvar ayının 1,2,3 və 4 tarixlərini əhatə edib.

Belə ki, dekabrın 31-i Dünya Azərbaycanlılarının Həmrəyliyi Günü, yanvarın 1 və 2-si isə Yeni il bayramı günləri olub.

Bununla yanaşı, 31 dekabr və 1 yanvar tarixləri şənbə və bazar günlərinə təsadüf etdiyindən Əmək Məcəlləsinə əsasən, iş və istirahət günlərinin yeri dəyişib və 2023-cü il yanvarın 3 və 4-ü də qeyri-iş günü olub.

Beləliklə, tətil günləri ölkədə ardıcıl olaraq 5 gün davam edib.