Rusiyadan Azərbaycana idxal edilən dondurulmuş toyuq məhsulunda salmonella aşkarlanıb.
Bu barədə Azərbaycan Qida Təhlükəsizliyi Agentliyindən (AQTA) məlumat verilib.
Qeyd olunub ki, “Ladess Group” MMC-nin Rusiya Federasiyasından idxal etdiyi “Stavropolskiy Broyler” MMC-nin “Nevinnomısskiy” filialının istehsalı olan ümumi çəkisi 19,2 ton dondurulmuş toyuq filesi məhsulundan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim edilib.
Aparılan sınaq nəticəsinə əsasən, nümunələrdə salmonella bakteriyası aşkarlanıb.
Faktla bağlı qanunvericiliyə uyğun olaraq təhlükəli məhsulun gömrük ərazisinin hüdudlarından kənara çıxarılması və ya məhv olunması barədə qərar qəbul edilib.
Mənbə: Oxu.Az
Belarusdan idxal edilən dondurulmuş toyuq məhsulunda bakteriya aşkarlanıb
Rusiyadan Azərbaycana gələn məhsulda salmonella aşkarlandı
Azərbaycan Rusiya məhsuluna məhdudiyyət qoydu
İrandan Azərbaycana gətirilən bibərdə virus aşkarlandı
Rusiyadan Azərbaycana gətirilən kartofda zərərverici aşkarlandı