Azərbaycan ilə Rusiya arasında dostluq və mehriban qonşuluq münasibətləri var. Rusiyada vətəndaşlarımızın olması ilə bağlı qarşılıqlı tədbirlər həyata keçirilir.
ONN media xəbər verir ki, bu sözləri Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Oeprativ Qərargahın bu gün keçirilən brifinqində çıxışı zamanı deyib:
“Rusiyadakı vətəndaşlarımızın gətirilməsi üçün “Evə gedirəm” portalı yaradılıb. Onların bu portalda qeydiyyatdan keçməsi vacibdir. Həftə ərzində 400-500 vətəndaşımızın ölkəyə gətirilməsi nəzərdə tutulur. Aprelin sonu, mayın əvvəlində 550-yə yaxın vətəndaş quru yolu ilə ölkəyə gətirilib. Eyni zamanda Rusiya vətəndaşlarının ölkələrinə qayıtması üçün xüsusi şərait yaradılıb.
Birbaşa sərhədə yaxınlaşaraq problem yaratmaq kimi hallar düzgün hesab edilmir. Biz dövlət başçısı ilə sərhəd məntəqəsində olduq, şəraitlə tanış olduq. Ordakı vətəndaşlarımızın hotellərdə yerləşdirilməsi üçün şərait yaradıldı”.
ONN İnformasiya Agentliyi
Hikmət Hacıyev: "Xaricdə olan vətəndaşların geri qaytarılması həyata keçirilir" - FOTOLAR
15 MİNDƏN ARTIQ AZƏRBAYCANLI VƏTƏNƏ GƏTİRİLDİ – RƏSMİ
AZƏRBAYCAN VƏTƏNDAŞLARININ XARİCƏ SƏFƏRLƏRİ İLƏ BAĞLI MƏHDUDİYYƏT VARMI? – RƏSMİ
MAYIN 31 -DƏN SONRA KARANTİN REJİMİ UZADILACAQ? – MÜHÜM AÇIQLAMA
Ölkədaxili uçuşların bərpası müzakirə olunur - RƏSMİ