Xəbər verdiyimiz kimi, Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin baş direktoru Ruslan Əliyev vəzifəsindən azad edilib. Onun vəzifələrinin icrası İstehsalat Birliyinin baş direktorunun müavini Azər Məmmədova həvalə edib.
Modern.az Azər Məmmədovla bağlı açıq mənbələrdən əldə etdiyi məlumatları təqdim edir.
Azər Məmmədov Azərbaycanda və İspaniyada (MBA) təhsil alıb.
O, daha əvvəl “İnpatBank” (Azərbaycan) İdarə Heyətinin sədri (1993-1996), “AZEXİM” Korporasiyasının kommersiya və maliyyə direktoru (1996-2000), “Milio Commodity Services” MMC-nin Bakıdakı Nümayəndəliyinin rəhbəri (2000-2003), “Azərboru” SC-də maliyyə direktoru (2003-2013), “SOCAR Georgia Gas”şirkətinin direktoru (2014-2023) vəzifələrində çalışıb.
A. Məmmədov 2023-cü ilin mart ayına qədər “SOCAR Energy Georgia”nın baş direktorunun müşaviri vəzifəsində çalışıb. Həmin vaxt vəzifəsindən azad edilərək "Azəriqaz"a direktor müavini gətirilib.
Qeyd edək ki, Ruslan Əliyev 2019-cu ildən "Azəriqaz"a rəhbərlik edirdi. O, 1978-ci il sentyabrın 13-də Yevlax rayonunda anadan olub. Daha əvvəl "Azəriqaz"da müxtəlif vəzifələrdə çalışıb.
Ruslan Əliyev işdən ÇIXARILDI
SOCAR-ın Müşahidə Şurasının tərkibi təsdiqləndi - SİYAHI
“SOCAR Türkiyə’’yə yeni rəhbər TƏYİN EDİLDİ
Sumqayıt və Ağsu Qaz İstismar idarələrinə yeni rəislər təyin ediliblər
Sabiq vitse-prezidentlərə SOCAR-da vəzifə verildi