Fevralın 28-i səhər saatlarında Azərbaycan Ordusunun əsgəri Ruslan Eldəniz oğlu Pənahov Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb.
Xidməti vəzifəsini yerinə yetirərkən hava şəraiti səbəbindən azan hərbçimizin Ermənistanda hansı şəraitdə saxlanılması ilə bağlı hələ ki məlumatlar yoxdur.
Maraqlıdır, Beynəlxalq Qızıl Xaç Komitəsinin (BQXK) əməkdaşları Ermənistanda saxlanılan əsgərimiz Ruslan Pənahova baş çəkəcəklərmi?
Qurumun mətbuat katibi İlahə Hüseynova Bizim.Media-ya aidiyyəti qurumlarla ikitərəfli konfidensial dialoq aparıldığını bildirib.
"Mandatına uyğun olaraq Beynəlxalq Qızıl Xaç Komitəsi saxlanılan şəxslərə rəftar və saxlanma şəraitini monitorinq etmək və onların ailələri ilə əlaqə saxlamalarına dəstək olmaq üçün onlara baş çəkir".
Qeyd edək ki, hərbçi Ruslan Pənahov barəsində Ermənistan İstintaq Komitəsi təxribata cəhd, qanunsuz silah-sursat saxlama və digər maddələr ilə cinayət işi açıb. Verilən məlumata görə, Ruslan Pənahov müstəntiqin qərarı ilə həbs olunub. Hazırda işin detalları aydınlaşdırılır.
Hərbçimiz Laçında İTKİN DÜŞDÜ - Əlverişsiz hava şəraitinə görə...
Azan əsgərimiz İrəvanda həbs edildi - Bunda ittiham edilir
İrəvandakı hərbçilərimiz ailələrinə məktub göndərib
AZƏRBAYCAN VƏTƏNDAŞI ERMƏNİSTANA KEÇİB? – AÇIQLAMA
BQXK Ermənistanda əsir saxlanılan hərbçilərimizə baş çəkdi