Azad Vətən Partiyası Xocalı soyqırımı abidəsini ziyarət etdi

Azad Vətən Partiyasının rəhbərliyi Xocalı soyqırımının anım günündə şəhidlərin xatirəsini yad etmək üçün “Ana fəryadı” abidəsinin ziyarət etdi. Abidənin önünə əklil qoyan partiya üzvləri şəhidlərin xatirəsinə dualar oxudular, Allahdan onlara rəhmət dilədilər. AzVP sədri Akif Nağı mətbuata açıqlamasında dedi: “Bütün şəhidlərimizin, o cümlədən Xocalı şəhidlərinin xatirəsini yad etmək hər kəsin borcudur. Biz şəhidlərin xatirəsini yad etməklə yanaşı Xocalı həqiqətlərinin dünyaya çatdırılması üçün bütün imkanlardan istifadə etməliyik. Dünya həqiqəti ona görə bilməlidir ki, ermənilərin iç üzünü tanısın və bir daha bu cür faciələrə yol verilməsin, ermənilərin faşist ideologiyası bir daha baş qaldırmasın”.

Xəbəri Hazırladı
Ramil Şirinov
AzVP-nin Mətbuat xidməti
26 fevral 2024