Koronavirusla bağlı daha bir təhlükə - şizofreniyaya yol aça bilər

ABŞ-ın Kaliforniya universitetində koronavirusla bağlı araşdırma aparılıb.

Araşdırmanın nəticələrinə görə məlum olub ki, koronavirus ağır zehni problemlər yaradır. Kaliforniya universitetinin alimləri müəyyən ediblər ki, COVİD-19-a yoluxan hamilə qadınların körpələrinin doğulduqdan sonra şizofren olma riski yüksəkdir. Alimlər bildiriblər ki, bunun qarşısını almaq üçün ana bətnində koronavirusa yoluxan körpələri müşahidə altına almaq və beyində yaranan xəstəlikləri incələmək vacibdir. Rusiyalı alimlər isə düşünür ki, koronavirus zehni xəstəliklərə yol açsa da, bu, ömürlük qalmayacaq. Moskva fizika və texnologiya institunun alimi Stanislav Otstavnoy qeyd edib ki, ''Bəzən ağır və uzunmüddətli infeksiyalarda qarabasma, illuziya, sayıqlama və bu kimi hallarla rastlaşırıq. Ancaq xəstə sağalarkən bu problemlər də keçib gedir. Əgər infeksiya mərkəzi sinir sistemini zədələməyibsə''.
(ölkə.az)