Bu gün Azərbaycan Ordusu Xankəndidə Zəfər paradı keçirəcək. Ali Baş Komandan, Prezident İlham Əliyevin qəbul edəcəyi paradda nümunəvi hərbi bölüklərin iştirakı nəzərdə tutulur. Parad sentyabr ayında baş tutan antitteror tədbirləri nəticəsində Azərbaycanın suverenliyini tam təmin etməsindən sonra keçirilir.
1919-cu ilin iyul ayında da Xankəndi şəhərində Hərbi Parad keçirilib.
Həmin dövrdə Hərbi nazir olan Səməd bəy Mehmandarov Nazirlər Şurasının Sədri Nəsib bəy Yusifbəyli ilə birlikdə Qarabağ bölgəsinə səfər etmişdi.
Səfərlə bağlı “Azərbaycan” qəzetində dərc edilən məqalədə paradın 29-30 iyul tarixlərində baş tutduğu bildirilir.
"Bu günlərdə Qarabağ özünün ən əziz və sevimli qonaqlarını − Gəncə qubernatoru Rəfibəyovun müşaiyət etdiyi Baş Nazir N.Yusifbəylini və Hərbi Nazir S.Mehmandarovu qəbul etmək sevincini yaşadı. Qonaqlar iyulun 29-da Xankəndinə gəldilər, orada qoşunların paradı oldu", - o qeyd edib.
Məlumata görə, paradı Baş Nazir Nəsib bəy Yusifbəyli qəbul edib:
"İyulun 30-da əziz qonaqlar Şuşaya gəldilər. Şəhərdə qonaqlar ruhanilər və əhali tərəfindən duz-çörəklə qarşılandılar. Sonra qonaqlar Azadlıq meydanına gəldilər və burada ruhanilər və əhali tərəfindən nitqlər söylənildi. Cavab nitqi söyləyən Baş Nazir müsəlmanların başqa millətlərin nümayəndələri ilə dinc yanaşı yaşamalarının zəruriliyindən danışaraq qeyd etdi ki, bunsuz Azərbaycanın rifahı mümkün deyil!!”.
8 Noyabr Zəfər Günüdür
BU GÜN HƏRBÇİLƏRİMİZİN MÖHTƏŞƏM PARADI OLACAQ
Bakıda möhtəşəm Zəfər paradı başladı - CANLI YAYIM
"Zəfər günü"ndə hərbi parad olacaq? - MN-dən AÇIQLAMA
Tarixi qələbənin tacı - Bakıda Zəfər paradı keçiriləcək