Jurnalist Kseniya Sobçak öz Teleqram kanalında Rusiya Aerokosmik Qüvvələrinin keçmiş baş komandanı, ordu generalı Sergey Surovikinin həyat yoldaşı Anna ilə fotosunu dərc edib.
Sobçak şəklə “General Sergey Surovikin üzə çıxdı. O, Moskvada ailəsi ilədir, sağ və salamatdır. Bugünkü foto” deyə yazıb.
Şəkildə ordu generalı beyzbol papağı və gün eynəyi taxıb.
Xatırladaq ki, Surovikin üsyanı dayandırmaq üçün iyunun 24-də “Vaqner” döyüşçülərinə müraciət etdikdən sonra üzə çıxmırdı.
Avqustun sonunda Aerokosmik Qüvvələrin keçmiş baş komandanı, ordu generalı Sergey Surovikin tutduğu vəzifədən azad edilib. Onun vəzifəsinə Rusiya Aerokosmik Qüvvələrinin (VKS) Baş Qərargah rəisi vəzifəsini icra edən general Viktor Əfzalov təyin edilib.
İyul ayında Dövlət Dumasının Müdafiə Komitəsinin rəhbəri Andrey Kartapolov ordu generalı Sergey Surovikinin "istirahət etdiyini və hələ ki, uyğun olmadığını" bildirmişdi.
Priqojinin müttəfiqi hesab edilən rusiyalı general ev dustaqlığına salınıb?
Ukraynaya hücum edən rus qoşunlarının komandan müavini saxlanıldı - KİV
Şoyqu Zakir Həsənova zəng etdi
Türkiyədə ordu rəhbərliyində dəyişikliklər olub - YENİLƏNİB
Azərbaycan və Türkiyənin generalları görüşdü