“Azərbaycan ilə Qazaxıstan arasında əməkdaşlıq çox dinamik inkişaf edir. Ölkələr qarşılıqlı ticarət dövriyyəsinin həcmini bir milyard ABŞ dollarına çatdırmaq niyyətindədir”.
Bunu “Report”a açıqlamasında Qazaxıstan xarici işlər nazirinin müavini Roman Vasilenko deyib.
“Qazaxıstanla Azərbaycanın qardaşlıq münasibətləri var və həqiqətən də, az sayda ölkə ilə belə intensiv və yaxın əlaqələri qeyd etmək olar”, - nazir müavini deyib.
O xatırladıb ki, ötən il Qazaxıstan Prezidenti Kasım-Jomart Tokayev Azərbaycana səfər edib:
“Biz iki ölkə arasında əlaqələrin çox dinamik inkişaf etdiyini görürük”.
R.Vasilenkonun sözlərinə görə, bu ilin birinci yarısında Azərbaycanla Qazaxıstan arasında ticarət dövriyyəsi təxminən 50 faiz artaraq 300 milyon ABŞ dollarına yaxın olub:
“Dövlət başçılarımızın qarşıya qoyduğu vəzifə isə ticarət dövriyyəsini bir milyard ABŞ dollarına çatdırmaqdır”.
Qazaxıstan prezidenti Azərbaycana rəsmi səfərə gəlir
Tokayev: “Qazaxıstanla Azərbaycan arasında etimada əsaslanan fəal siyasi dialoq yaranıb”
Ərdoğanın Bakıya səfərinin pərdəarxası: “Bu dəfə əvvəlkilərdən fərqlidir” - ŞƏRH
Azərbaycanla Qazaxıstan arasında bir sıra sənədlər imzalandı
Şahin Mustafayevin rəhbərlik etdiyi nümayəndə heyəti Rusiyaya səfər edib