“Azərsu” Açıq Səhmdar Cəmiyyəti tərəfindən Bakıətrafı ərazilərə içməli suyun verilməsi qrafikində dəyişiklik edilib.
Buna səbəb sudan səmərəli və qənaətlə istifadə edilməsidir.
Bəs içməli suyun qiyməti artacaqmı?
ASC-nin mətbuat xidmətinin rəhbəri Anar Cəbrayıllı Oxu.Az-ın sorğusuna cavab olaraq bildirib ki, içməli suyun qiymətinin artırılması barədə qurum tərəfindən heç bir təklif verilməyib:
“Bu məsələ gündəmdə deyil”.
Qeyd edək ki, artıq içməli suyun verilməsi ilə bağlı yeni qrafikin tətbiqinə başlanılıb. Samur çayında su ehtiyatının iki dəfə azalması, həmçinin, “Taxtakörpü” su anbarında 50 milyon kubmetr ehtiyat qalması ASC-ni bu addımı atmağa vadar edib.
Ötən il “Taxtakörpü” su anbarında 180 milyon kubmetr su ehtiyatı var idi. Prezident İlham Əliyevin sərəncamı ilə Su komissiyası yaradılıb. Komissiyanın iclasında mənbələrdən götürülən su həcmlərinə qənaət olunması qərara alınıb. Məhz itkilərin qarşısının alınması ilə bağlı qənaət rejiminə keçilib.
Suraxanı, Sabunçu, Binəqədi, Abşeron və digər ətraf ərazilərdə qrafikə görə 14 saat su verilirsə, bu, 10 saata salınacaq. Eyni zamanda, hansı ərazidə 12 saat su verilirsə, 8 saata salınacaq.
İçməli suyun təhlükəsizliyinə dair yeni tələblər
BAKIDA İÇMƏLİ SU İLƏ BAĞLI YARANAN PROBLEMLƏRƏ “AZƏRSU”DAN — AÇIQLAMA
Sabah bu ərazidə su kəsiləcək
İçməli su ilə bağlı XƏBƏRDARLIQ
“Abonentlər içməli sudan maksimum qənaətlə istifadə etsinlər” - “Azərsu”