Bir neçə gündür Bakı şəhərinin bəzi ərazilərində içməli suyun gəlməməsi sakinlərin narazılığına səbəb olub.
ONN media bildirir ki, məsələ ilə bağlı açıqlama verən “Azərsu” ASC-nin İctimaiyyətlə əlaqələr departamentinin rəisi Anar Cəbrayıllı bildirib ki, suyun verilişində yaranan problemin səbəbi havaların istiləşməsi və suya olan tələbatın 40%-ə yaxın artmasıdır:
“Buna görə bəzi ərazilərdə qrafiklər pozulub, suyun təzyiqi aşağı düşüb. Artıq bunların böyük hissəsini həll etmişik. Xırdalan şəhəri, Yeni Günəşli qəsəbəsi, Xətai rayonu, Sabunçu rayonunun böyük hissəsində içməli suyun verilişi ilə bağlı problem həllini tapıb”.
A.Cəbrayıllının sözlərinə görə, hazırda Suraxanı rayonunun Bahar bağları adlanan ərazisində, Sabunçu rayonundakı bəzi yeni yaşayış massivlərində və s. yerlərdə problemin həlli istiqamətində işlər davam etdirilir:
“Həmin ərazilərdə fərdi şəbəkələrdir. Onlar tikinti normalarına uyğun gəlmir. Vətəndaşlar tərəfindən fərdi xətlərlə çəkilib və burada tələbat artanda müəyyən problemlər yaranır. Həm bizim mütəxəssislərin apardığı tənzimləmə işləri, həm də mənbədən suyun artırılması ilə problemin həlli istiqamətində işlər aparılır”.(qafqazinfo.az)
ONN İnformasiya Agentliyi
Su fasilələrlə veriləcək
Kürün səviyyəsi minimum həddən aşağı olduğundan çayda 25 adacıq əmələ gəlib - VİDEO
Yağış suları metroya da doldu
Qorxmaz Hüseynovdan daha bir şikayət: 500 ailə susuzdur
“AZƏRSU” XÜSUSİ REJİMDƏ İŞLƏYƏCƏK