Azərbaycanın İrandakı səfirliyinə hücum zamanı terrorçunu zərərsizləşdirən Vasif Tağıyev əməliyyat olunub.
Bu barədə Xarici İşlər Nazirliyinin (XİN) Mətbuat Xidməti İdarəsinin rəisi Ayxan Hacızadə məlumat verib. O qeyd edib ki, əməliyyat olunan yaralının vəziyyəti yaxşıdır: “Həyatı təhlükəsi yoxdur”.
Vasifin anası Təranə Tağıyeva isə Oxu.az-a bildirib ki, oğlu əməliyyatı haqda ona əvvəlcədən məlumat verməyib: “Bizə məlumatı dostu verir. Çiynində güllə yarası, çənəsində sınıq olub. Əməliyyat dörd saat yarım çəkib”.
Qeyd edək ki, ötən gün saat 8:30 radələrində Azərbaycanın İrandakı səfirliyinə silahlı hücum olub. Mühafizə xidmətinin rəisi Orxan Əsgərov şəhid olub, daha iki əməkdaş isə yaralanıb.
Azərbaycanın İrandakı səfirliyinə silahlı hücum, ölən var - Video - Yenilənir
İrandakı səfirliyimizə hücum edən terrorçunun FOTOSU
Şəhid olan Orxanın FOTOSU
Səfirliyimizə qarşı törədilən terror aktı ilə bağlı cinayət işi başlanıldı
Orxan Əsgərovun atası: “Mənim oğlum videoda maşında qolu sarılan, göy köynəkli oğlandır”