"Azərbaycan tərəfi Ermənistana Gürcüstanda iki ölkə liderlərinin görüşünü təşkil etməyi təklif edib".
Bunu Azərbaycan prezidenti İlham Əliyev bildirib. Onun sözlərinə görə, respublika tarixən qonşu dövlətlərin nümayəndələrinin görüş yeri kimi çıxış edib.
“Bizim təklifimiz liderlərin görüşünü Gürcüstanda təşkil etmək idi, çünki Gürcüstan tarixən bütün qonşuların görüşdüyü yer olub. Amma Ermənistan buna hazır deyil”, - İlham Əliyev qeyd edib.
Azərbaycan prezidentinin də bildirdiyi kimi, hazırda İrəvan Bakının sülh müqaviləsi təklifinə hələ də cavab verməyib . O, həmçinin əlavə edib ki, Ermənistan nümayəndələri Davosda keçiriləcək Dünya İqtisadi Forumuna getməmək qərarına gəliblər.
“Ermənistan çox sadə olacaq və beynəlxalq hüququn fundamental prinsiplərinə əsaslanacaq sülh sazişinin imzalanması təklifimizə cavab verməyib. Genişlənmə və Qonşuluq Siyasəti üzrə Avropa komissarı Yohannes Xan Ermənistanın burada olmamasına eyham vurdu. Bəs Ermənistan niyə burada deyil? Çünki Ermənistan Gürcüstanla üçtərəfli əməkdaşlıq formatına başlamaq təklifimizi rədd etdi”, - prezident vurğulayıb.
"Qafqazın üç ölkəsi səylərini birləşdirsə, region daha təhlükəsiz olar" - Dövlət başçısı
Brüssel Paşinyan və Əliyevin iştirakı ilə dördtərəfli görüş ideyasından əl çəkməyib
Borrell: “Azərbaycan və Ermənistan liderlərinin Brüssel görüşünü alqışlayırıq”
Liderlərin Soçi görüşündə nələr gözlənilir? - AÇIQLAMA
Azərbaycan sülh sazişinin yeni variantını Ermənistana VERDİ