Bu gün Rusiya XİN-in rəsmi sözçüsü Mariya Zaxarovanın həftəlik brifinqində erməni jurnalist Türkiyə Silahlı Qüvvələrinin Azərbaycandakı Xüsusi Komandanlıq Qrupunun komandanı general-polkovnik Bəxtiyar Ersayın Azərbaycan müdafiə naziri general-polkovnik Zakir Həsənovun müşaviri təyin olunmasına dair təxribat xarakterli sual verib.
Jurnalist Zaxarovaya “Nəyə görə Rusiya bəzi hallarda postsovet ölkələrinin NATO ilə əməkdaşlığına mənfi reaksiya verdiyi halda, digər hallarda bu əməkdaşlığa göz yummağa üstünlük verir?” sualını ünvanlayıb.
Reklamınızı SmartBee ilə effektiv edin.
Zaxarova erməni jurnalistin bu məsələ ilə bağlı iradını qəbul etmədiyini deyib:
“Mən sizinlə razılaşmıram, mən tək Azərbaycanda deyil, Ermənistan da daxil olmaqla digər qonşu ölkələrdə də xarici ölkə vətəndaşı olan müşavirlər görürəm. Hər bir ölkənin öz tərəfdaşları ilə hərbi və hərbi-texniki əməkdaşlığı inkişaf etdirməklə bağlı suveren hüququ var. Lakin bununla belə, bu üçüncü ölkələrə qarşı yönəldilməməli və Cənubi Qafqazda yaranmış qüvvələr balansını pozmamalıdır. Biz bu tezisləri regiondakı tərəfdaşlarımıza çatdırırıq”.
Rusiya ordusunun komandanı istefaya göndərildi
Azərbaycan-Türkiyə hərbi əməkdaşlığının genişləndirilməsi müzakirə olundu
Zakir Həsənov Gürcüstana getdi
Zakir Həsənov Rüstəm Muradovla görüşdü
İran səfirliyi sərhəddəki təlimlərlə bağlı açıqlama YAYDI