Göyçay rayonunda otbiçən maşının mühərriki partlayıb, ata-oğul yaralanıb.
hemlemedia.az Report-a istinadən xəbər verir ki, hadisə sentyabrın 27-də rayonun İnçə kəndi ərazisində qeydə alınıb.
Belə ki, kənd sakini, 1995-ci il təvəllüdlü Cavid Məcidov otbiçən maşının mühərrikini işə salmağa çalışıb. Bu zaman mühərrik partlayıb və yanğın başlayıb. Yaxınlıqda olan C.Məcidovun atası, 1966-cı il təvəllüdlü Sərvər Məcidov yanğını söndürməyə cəhd edib. Nəticədə hər iki şəxs ağır xəsarət alıb. Daha sonra onlar Göyçay Rayon Mərkəzi Xəstəxanasına yerləşdiriliblər.
Hazırda atanın vəziyyəti normaldır. Lakin həkimlər C.Məcidovun vəziyyətini ağır kimi qiymətləndirirlər.
Faktla bağlı rayon prokurorluğunda araşdırma aparılır.
Qeyd edək ki, C.Məcidov Vətən müharibəsi iştirakçısıdır.
***
Göyçay rayonunda otbiçən maşının mühərrikinin partlaması nəticəsində yaralanan Cavid Məcidov vəfat edib.
O, müalicə aldığı xəstəxanada dünyasını dəyişib.
Baş Prokurorluğun Mətbuat Xidmətindən bildirilib ki, hazırda faktla bağlı rayon prokurorluğunda araşdırma aparılır.
Abşeronda şirkətdə partlayış: ölən var
Bakıda qazi QƏTLƏ YETİRİLDİ
Ermənilərin müharibə dövründə atdığı kasetli bomba partladı - Ölən var
Tərtərdə qoyun otaran şəxs MİNAYA DÜŞDÜ
Tərtərdə mülki şəxs minaya düşdü