Fövqəladə Hallar Nazirliyinə (FHN) Şabran rayonunun Xəlfələr kəndi və Qəbələ rayonunun Abrıx, Tikanlı kəndləri yaxınlığında dağlıq ərazidə yanğın olması barədə məlumat daxil olub.
FHN-dən verilən məlumata görə, məlumatla əlaqədar dərhal FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Relyefin mürəkkəbliyi və havanın küləkli olması yanğınsöndürmə işlərini çətinləşdirir. Yanğınsöndürmə işlərini sürətləndirmək və yanğınların daha geniş əraziyə yayılmasının qarşısını almaq məqsədi ilə hər iki əraziyə Fövqəladə Hallar Nazirliyindən əlavə qüvvələr, o cümlədən Aviasiya dəstəsinin iki helikopteri, həmçinin Ekologiya və Təbii Sərvətlər Nazirliyinin Meşə Təsərrüfatı Mərkəzinin əməkdaşları cəlb olunub.
Hazırda yanğınsöndürmə işləri davam etdirilir.
Xaçmazdakı yanğının söndürülməsinə təyyarə və iki helikopter cəlb olundu - YENİLƏNİB
Qəbələdə dağlıq ərazidə yanğın başlayıb
FHN Qəbələdəki yanğınla bağlı MƏLUMAT YAYDI - YENİLƏNİB
Hirkan Milli Parkında yanğını söndürmək çətinləşib: Amfibiya təyyarəsi havaya qaldırıldı
Şabranda baş verən yanğın söndürüldü - VİDEO (YENİLƏNİB-1)