Tovuzda yanğında iki nəfər ölüb.
Fövqəladə Hallar Nazirliyindən verilən məlumata görə, Tovuz rayonunun İbrahimhacılı kəndində ümumi sahəsi 144 kv.m olan birmərtəbəli evin yanar konstruksiyaları və yaxınlıqda ümumi sahəsi 115 kv.m olan köməkçi tikilinin yanar konstruksiyaları 25 kv.m sahədə yanıb.
Yanğın yerinin kəşfiyyatı zamanı ev sahibi, 1954-cü il təvəllüdlü Quliyeva Yaqut Fəryad qızının və 1952-ci il təvəllüdlü Cabbarova Həqiqət Səməd qızının meyiti yanğınsöndürənlər tərəfindən aşkar edilərək aidiyyəti üzrə təhvil verilib. Köməkçi tikilinin qalan hissəsi və yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
Bakıda dəhşət - evdə diri-diri yandı
Bakıda DƏHŞƏT: Qadın evdə yanaraq öldü
Ağsuda dağlıq ərazidə baş verən yanğın söndürüldü
Şuşada iki ev yandı
Gəncədə dəhşətli yanğın, ölənlər var - İkisi azyaşlıdır