Bakıda stilisti qətlə yetirməkdə təqsirləndirilən Pərviz Həsənovun cinayət işi üzrə məhkəmə prosesi başlayıb.
APA xəbər verir ki, bu gün Bakı Ağır Cinayətlər Məhkəməsində hakim İlham Mahmudovun sədrliyi ilə baş tutan prosesdə təqsirləndirilən şəxsin anket məlumatları dəqiqləşdirilib.
Məhkəmə baxışı iyulun 26-na təyin edilib.
İttihama görə, hadisə bu ilin martında paytaxtın Xətai rayonunda qeydə alınıb.
1988-ci il təvəllüdlü Orxan Seyidov şəxsi münasibətlər zəminində aralarında yaranmış münaqişə zamanı 1999-cu il təvəllüdlü Pərviz Həsənov tərəfindən çoxsaylı bıçaq xəsarətləri yetirilərək qətl edilib.
İstintaq orqanı tərəfindən Pərviz Həsənovun barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.
Qeyd edək ki, Orxan Seyidov stilist kimi fəaliyyət göstərib.
Bakıda polis qardaşını qətlə yetirən şəxs hakim qarşısına çıxarıldı – Məhkəmə
Eldar Həsənov hakim qarşısına çıxarıldı
Eldar Həsənovun apellyasiya şikayəti üzrə məhkəmə keçirildi
Rövşən Əkbərovun məhkəməsi təxirə salındı
Bərdədə qadını zorlayan, sonra öldürən şəxs hakim qarşısına çıxarılacaq