Rüstəm İbrahimbəyovun oğlu atasının sön sözünü açıqlayıb

“İnsanın atasını itirməsi çox dərin kədərdir. Şadam ki, o, Bakıya gətirildi, vətənində dəfn ediləcək".

Bunu jurnalistlərə açıqlamasında mərhum Xalq yazıçısı Rüstəm İbrahimbəyovun oğlu Fuad İbrahimbəyov deyib.

Xalq yazıçısının oğlu bildirib ki, arzulayanlar, atasını sevənlər gəlib məzarını ziyarət edə biləcəklər: "Əlbəttə o, böyük insan, möhtəşəm ata idi”.

F.İbrahimbəyov qeyd edib ki, atası ölümqabağı ondan dostlarına salam çatdırmasını istəyib: “O, son sözündə bütün dostlarına salam söylədi. Dedi ki, əgər ölsəm, mənim bütün köhnə dostlarımı qucaqla, onlara sevgimi çatdır”.