Bu gün Medianın İnkişafı Agentliyi (MEDİA) və ADA Universitetinin birgə təşkilatçılığı ilə “Media islahatlara doğru” silsilə seminarların bağlanış mərasimi keçirilib.
MEDİA-nın icraçı direktoru Əhməd İsmayılov qeyd edib ki, ADA ilə layihələr davamlı olacaq: “Bizim BDU və digər universitetlərin tələbələri üçün də təlimlərimiz olacaq. Digər təlimlərimiz də nəzərdə tutulub. Məqsədimiz təcrübələri bölüşməkdir. İstər Azərbaycanda, istərsə də dünyada media sahəsində gedən proseslərlə tanış olaq və media subyektlərində bu təcrübələri bölüşək. Xahişimiz bundan ibarətdir ki, seminar iştirakçıları burada bölüşdüyümüz məsələləri çalışdıqları mediada jurnalist həmkarları ilə paylaşsınlar. Bütün jurnalistlər üçün ADA-da şərait yaratmaq çətindir. Tez nəticəyə nail olmaq üçün burada iştirak edən seminar iştirakçıları burada bölüşülən fikirləri çalışdıqları yerdə olan jurnalistlərlə bölüşsünlər”.
Daha sonra seminar iştirakçıları seminarlarla bağlı fikirlərini bölüşüblər.
Sonda seminar iştirakçılarına sertifikatlar təqdim olunub.
"Əsas məqsəd media subyektlərinin inkişafına nail olmaqdır" - Əhməd İsmayılov
Hikmət Hacıyev mətbuat katiblərinə ustad dərsi keçdi
Əhməd İsmayılov: “Jurnalistlərin treninq keçmələrinə ehtiyac var”
Azərbaycanda jurnalistlərə vahid vəsiqə verilə bilər
“Media haqqında qanun” layihəsi üzərində iş yekunlaşır