“İşğaldan azad edilən Füzuli rayonunda yeni tikilən “Füzuli” yarımstansiyası istifadəyə verilib”.
Bu sözləri jurnalistlərə açıqlamasında “Azərenerji" ASC-nin mətbuat xidmətinin rəhbəri Teymur Abdullayev deyib.
O bildirib ki, işğaldan azad olunan bütün rayonlarda 110 kV-luq yarımstansiyalar inşa olunur.
“Hazırda 110/35/10 kV-luq Füzuli yarımstansiyasındayıq. Bu yarımstansiya 3 ay ərzində inşa edilib. Yarımstansiya Füzuli rayonunu, rayondakı strateji obyekləri, hava limanı və digər böyük obyektləri, o cümlədən Füzuli-Şuşa yolunu, eləcə də əhali və qeyri-əhali abonentlərini elektrik enerjisi ilə təmin edəcək”.
O qeyd edib ki, 110/35/10 kV-luq Şükürbəyli yarımstansiyasının da açılışı olub:
“Sistem əhəmiyyətli olan bu stansiya çox önəmlidir. Çünki Füzuli, Şuşa, Cəbrayıl, Qubadlı, Zəngilan yarımstansiyaları Şükürbəyli stansiyası vasitəsilə ilə qidalanacaq. Hazırda Qarabağda və ətraf ərazilərdə bu istiqamətdə işlər davam etdirilir”.
Şuşada yeni yarımstansiya tikilir
Füzuli və Ağdamın azadolma tarixləri də abunə kodlarında əks olunacaq
Şuşa şəhərinədək 101.5 kilometrlik xidməti yol istifadəyə verildi
İlham Əliyev və Mehriban Əliyeva Füzuli rayonunda səfərdədirlər
Prezident Füzuli-Şuşa yolunun və hava limanının təməlini qoydu