Aprelin 23-də Prezident İlham Əliyevin imzaladığı sərəncamla Teymur Yusif oğlu Musayev Azərbaycanın səhiyyə nazirinin birinci müavini təyin olunub.
İlham Əliyevin digər sərəncamı ilə səhiyyə nazirinin vəzifələrini müvəqqəti icra etmək səlahiyyəti də T.Musayevə həvalə edilib.
T.Musayev 1987-94-cü illərdə Azərbaycan Tibb Universitetində təhsil alıb.
O, 2003-2004-cü illərdə Strasburq Universitetində Laparoskopik cərrahiyyə ixtisası üzrə, 2013-15-ci illərdə isə RISEBA və Riga Stradins Universitetində təhsilini magistr səviyyəsində davam etdirib.
O, N.Tusi adına Klinikada direktor, Qəbələdə yerləşən Chenot Palace Health Wellness Hotelində tibbi direktor vəzifəsində çalışıb.
Eyni zamanda, T.Musayev İtaliyada Medwellness&SPA mərkəzində baş beynəlxalq məsləhətçi kimi fəaliyyət göstərib.
T.Musayev bu təyinatadək Səhiyyə Nazirliyində Səhiyyənin təşkili şöbəsinin müdiri vəzifəsində çalışıb.
Səhiyyə naziri postu müavinə həvalə edildi - SƏRƏNCAM
NAZİR MÜAVİNİ TƏYİN OLUNAN FARİZ RZAYEV KİMDİR? — DOSYE
Prezidentin yüksək vəzifəyə təyin etdiyi şəxs kimdir? - DOSYE
Səbailin yeni icra başçısı Vüqar Zeynalov kimdir? (DOSYE)
DTX TƏRƏFİNDƏN SAXLANILAN NAZİR MÜAVİNİ KİMDİR? – DOSYE