Qonşu ölkədə daha 123 nəfər COVID-19-dan öldü

İranda ötən sutka ərzində 123 nəfər koronavirusdan (COVID 19) ölüb. Bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

Bu barədə hemlemedia.az nazirliyə istinadən məlumat verir.

S.Sadat Larinin sözlərinə görə, bununla da İranda bu virusdan ölənlərin sayı 62 999 nəfərə çatıb.

Nazirlik rəsmisi deyib ki, İranda ötən 24 saat ərzində 11 420 nəfər koronavirusa yoluxub. Beləliklə İranda bu virusa yoluxanların sayı 1 920 394 nəfərə yüksəlib. Virus daşıyıcılarından 4 024 nəfərin vəziyyəti ağır qiymətləndirilir.

Ölkədə indiyədək 1 642 418 nəfər koronavirusdan sağalıb. 13 milyondan çox diaqnoz testi həyata keçirilib.

Koronavirusa yoluxma üzrə 47 rayon qırmızı və 126 rayon narıncı mavi zona hesab olunur. Qırmızı və narıncı zona hesab olunan rayonlara və bu rayonlardan digər rayonlara səfər etmək qadağandır. Həmçinin 247 rayon sari, 28 rayon isə mavi zona hesab olunur.