BU ÖLKƏDƏ KORONAVİRUSDAN ÖLƏNLƏRİN SAYI 25,5 MİNİ ÖTDÜ

İtaliyada yeni növ koronavirusa daha 2 646 yoluxma halı qeydə alınıb.

ONN media xəbər verir ki, bunu ölkənin Mülki Müdafiə Departamentinin rəhbəri Ancelo Borrelli deyib.

Onun sözlərinə görə, ölkə ərazisində koronavirusa yoluxanların ümumi sayı 189 973 nəfərə çatıb. Son sutka ərzində koronavirusdan 464 ölüm halı qeydə alınıb, ölənlərin ümumi sayı 25 549 nəfər təşkil edir.

A.Borrelli qeyd edib ki, ötən sutka 3 033 nəfər koronavirusdan sağalıb. Departament rəhbəri əlavə edib ki, koronavirusdan sağalanların ümumi sayı 57 576 nəfərə çatıb.

ONN İnformasiya Agentliyi