Futbol üzrə Azərbaycan millisi bu gün DÇ-2022-nin seçmə mərhələsində mübarizəyə başlayacaq.
A qrupunda yer alan yığma I turda Portuqaliya seçməsi ilə qarşılaşacaq. Koronavirus pandemiyası səbəbindən İtaliyanın Turin şəhərindəki "Yuventus" stadionunda keçiriləcək görüş Bakı vaxtı ilə saat 23:45-də start götürəcək.
Hər iki kollektiv matça itkilərlə çıxacaq. Meydan sahiblərinin heyətində Ruy Patrisiu, Pepe və Rafael Gerreyrunun zədə səbəbindən oynamayacağı dəqiqdir. Ruy Silvanın isə meydana çıxıb-çıxmayacağı sual altındadır.
Azərbaycan millisində isə yeganə itki Qara Qarayevin yoxluğudur. "Qarabağ"ın yarımmüdafiəçisi zədəli olduğu üçün Turinə aparılmayıb.
DÇ-2022-nin seçmə mərhələsi
A qrupu
I tur
23:45. Portuqaliya - Azərbaycan
Hakimlər: Daniel Zibert, Yan Zaydel, Rafael Foltin, Saşa Stegemann (Almaniya)
İtaliya, Turin. "Yuventus" stadionu
Qeyd edək ki, bu qrupun digər oyunlarında Serbiya millisi İrlandiya ilə, Lüksemburq isə Qətərlə üz-üzə gələcək.
Portuqaliya - Azərbaycan oyunu “Yuventus”un stadionunda keçiriləcək
Ronaldu millimizə qarşı oynayacaq - HEYƏT
Millimiz bu gün İspaniya ilə qarşılaşacaq
“Azərbaycanla oyun asan olmayacaq” - Danilo
Ronaldu “Real”ın prezidenti ilə görüşdü