İtkin düşən iki erməni hərbçidən birinin öldüyü məlum oldu

İki gün öncə Ermənistan Silahlı Qüvvələrinin itkin düşən iki hərbçisindən birinin öldüyü məlum olub.

Bu barədə Ermənistan Müdafiə Nazirliyi məlumat yayıb.

Məlumata əsasən, itkin düşən Karen Şahnazaryan xəstəxanaya çatdırılıb, digər hərbçi Aqasi Ovannisyanın həyatını isə xilas etmək mümkün olmayıb.

Qeyd edək ki, bundan öncə Ermənistan Müdafiə Nazirliyinin yaydığı məlumata görə, martın 21-də güclü qar fırtınası şəraitində bir hərbi bazadan digərinə keçid zamanı iki hərbçi ilə əlaqə kəsilmişdi.