“Şuşaya aparan yol Əhmədbəyli kəndindən başlayaraq Füzuli şəhərinin yanından keçəcək”.
Bu barədə İctimai Televiziyanın efirində yayımlanan “Sabaha saxlamayaq” proqramında Azərbaycan Avtomobil Yolları Dövlət Agentliyinin (AAYDA) Baş idarə rəisi Hidayət Rüstəmov məlumat verib.
O bildirib ki, Agentliyin qarşısında duran bir nömrəli məsələ ölkəmizin tacı, mədəniyyət mərkəzimiz Şuşaya yeni yolun tikintisi ilə bağlıdır:
“Şuşaya gedən yeni yol Əhmədbəyli kəndindən başlayaraq, Füzuli şəhərinin yanından keçəcək. Məşhur Topxana meşələrinin ətəyindən keçən yol Daşaltı kəndinə düşəcək, oradan isə Şuşaya qalxacaq.
Yol çox dağlıq-meşəlik ərazilərdən keçəcək, relyef çox çətindir. Amma bu çətinliyə baxmayaraq, körpülər tikilməklə meşə zolağından keçərək, 4-6 zolaqlı birinci dərəcəli yolun tikintisi davam etdiriləcək. Yolun uzunluğu təxminən 100 km-ə yaxın olacaq.
Bildiyiniz kimi, zaman az olduğundan layihələndirmə və tikinti işləri, demək olar ki, paralel aparılır. Yolun dəqiq uzunluğu işlərin yekununda bəlli olacaq. Yolun tikintisi ilə bağlı Prezident İlham Əliyev bir il yarım vaxt verib. Bir neçə podratçı şirkətlə çalışmaqla maksimum tez zamanda yolun tikintisini bitirməyi düşünürük”.
“Hətta qardaş ölkə Türkiyənin dağ şəraitində çalışa bilən şirkətləri var ki, bu işdə onların təcrübələrindən də faydalanacağıq”, - deyə H.Rüstəmov qeyd edib.
Şuşaya yol belə çəkilir – Son görüntülər
Prezident: “Naxçıvana gedən dəmir yolunun bərpası ilə əlaqədar artıq ilkin göstərişlər verilib”
İşğaldan azad olunmuş ərazilərdə yol infrastrukturu necə olacaq? - RƏSMİ
Prezident: “Naxçıvana gedən dəmir yolunun bərpası ilə əlaqədar artıq ilkin göstərişlər verilib”
Ağdam-Xankəndi-Şuşa avtomobil yolu da müəyyən müddətdən sonra açılacaq - İlham Əliyev