Bu ilin döyüş hazırlığı planına əsasən Naxçıvan Qarnizonu üzrə hərbi qulluqçular arasında keçirilən cüdo, sərbəst və yunan-Roma güləşi üzrə birinciliklərə yekun vurulub.
AZƏRTAC-ın Naxçıvan bürosu xəbər verir ki, Naxçıvan Muxtar Respublikası Gənclər və İdman Nazirliyi, Güləş Federasiyası və Əlahiddə Ümumqoşun Ordunun birgə təşkil etdikləri birinciliklərdə 14 komandadan, ümumilikdə, 165 idmançı döşək üzərində öz gücünü sınayıb.
Naxçıvan şəhərindəki İlham Əliyev adına Olimpiya-İdman Kompleksində təşkil olunan yarışlarda idmançılar cüdo birinciliyində 7 çəki dərəcəsində, yunan-Roma və sərbəst güləş birinciliklərinin hər birində isə 8 çəki dərəcəsində mübarizə aparıblar. Güclü idmançı və komandaların müəyyən edilməsi məqsədilə keçirilən yarışlarda hərbi qulluqçularla yanaşı, Heydər Əliyev adına Hərbi Liseyin kursantları da iştirak ediblər.
Həm komanda hesabı, həm də şəxsi birinciliyin qalibləri müəyyənləşib.
Qalib idmançı və komandalar Əlahiddə Ümumqoşun Ordu komandanlığı tərəfindən mükafatlandırılıb.
Qəbələ şəhərində cüdo idman növü üzrə yarış
İlham Əliyev: "Naxçıvan ordusu istənilən vəzifəni icra etməyə hazırdır" - ATƏŞ.AZ
Şəhidlərimizin xatirəsinə həsr olunmuş Qol Güləşi turniri başa çatıb
Cəbhəboyu zonada yeni hərbi şəhərciyin açılışı olub - Atəş.az
Rusiya Bakıya hərbi gəmi göndərir