Ermənistan ön cəbhədə müxtəlif ölkələrdən gətirilmiş muzdlulardan istifadə edir – FAKTLAR

Xəbər verdiyimiz kimi, iyun ayının 12-dən etibarən Ermənistan-Azərbaycan sərhəddində vəziyyət gərgindir. Azərbaycan ordusu Ermənistan silahlı qüvvələrinin təxribatının qarşısını alıb və sərt cavab tədbirləri görüb.

AzərMedia.az Ordu.az-a istinadən xəbər verir ki, erməni mətbuatında Ermənistan siyasi rəhbərliyinin ön cəbhədə müxtəlif ölkələrdən gətirilmiş muzdlu əsgərlərdən istifadə etməsi barədə məlumatlar yayılıb.

İyulun 14-də Beyrut-İrəvan xüsusi uçuşu ilə Livanda yaşayan 9 uşaq, 11 ailə olmaqla ümumilikdə 68 nəfərdən ibarət ermənilərin birinci qrupu Ermənistana gəlib.

Onların böyük hissəsi Ermənistan vətəndaşlığına və yaşayış statusuna malikdir. Livanda 25 minə qədər Ermənistan vətəndaşlığına və yaşayış statusuna malik olan ermənilər var.

Təxminən 10 nəfər Ermənistan vətəndaşlığına və yaşayış statusuna malik olmadığı üçün yerində giriş vizası alıb.

Ermənistanın Diaspor müvəkkili ofisinin vətənə qayıdış şöbəsinin rəisi Hovhannes Aleksanyan bildirib ki, iyul ayının ikinci yarısında, avqust ayının ilk ongünlüyündə sayca 4 uçuş planlaşdırılıb.

“Növbəti uçuşlar səhv etmirəmsə, iyulun 21-də, 28-də, avqustun 4-də və 11-dədir”, – deyə o qeyd edib.




Məlumata görə, Ermənistan Livandan gələn vətəndaşlardan muzlu döyüşçü kimi istifadə edir və bununla da itkilərini rəsmi olaraq gizlədir.

Qeyd edək ki, Ermənistanın hərbi və siyasi rəhbərliyi döyüşlər zamanı ölən və yaralanan hərbi qulluqçuların sayını gizlətməkdə davam edir.

Rəsmi məlumata görə, Ermənistan ordusunun 4 hərbi qulluqçusu ölüb, 20 nəfəri isə yaralanıb. Ölən və yaralıların sayının artacağı qaçılmazdır.



Bu xəbəri paylaşın: