97 nəfərin öldüyü təyyarə qəzasının səbəbi məlum oldu – "Koronavirus ..."

Pakistanda 97 nəfərin ölümünə səbəb olan təyyarə qəzasının səbəbi açıqlanıb.
Yeniavaz.com “Reuters”ə istinadla xəbər verir ki, təyyarənin qəzaya uğramasının səbəbi pilotların uçuş boyu koronavirus pandemiyası barədə mübahisə etdikləri üçün fikirlərinin yayınması olub. Bu barədə Pakistanın Aviasiya naziri Qulam Sərvər Xan məlumat verib. Təyyarənin içərisində qeydə alınan səs yazısı bunu aşkara çıxarıb. Aparılan araşdırmalar nəticəsində təyyarədə heç bir texniki nöqsan aşkar edilməyib. Yeni əldə edilən məlumatlarda enişə keçməzdən əvvəl mərkəz tərəfindən pilotların bir neçə dəfə qayda pozuntuları barədə xəbərdar edildikləri bildirilib. Pilotlar isə xəbərdarlığı dinlədikdən sonra yenidən koronavirus mübahisəsinə davam ediblər. Nəticədə sərnişin təyyarəsi qəzaya uğrayıb və içərisində olan 99 nəfərdən 97-si dünyasını dəyişib.
[media=https://www.youtube.com/watch?v=JjNItUNNQH4]