AZƏRBAYCANDA DAHA BİR MƏMUR KORONAVİRUSDAN ÖLDÜ Azərbaycanda daha bir məmur koronavirusdan öldü

“Azərişıq” ASC-nin daha bir əməkdaşı koronavirusdan vəfat edib.

hemlemedia.az saytı ONN media agentliyinə istinadən xəbər verir ki, “Azərişıq” ASC-nin Enerji Satışı Departamentinin aparıcı mühəndisi Oqtay Musayev ölüb.

Mərhum bir neçə gün əvvəl xəstəxanaya yerləşdirilib. Bütün müdaxilələrə rəğmən, onun həyatını xilas etmək mümkün olmayıb.

O.Musayev dünən gecə həyatını itirib.

“Azərişıq” ASC ASC-nin mətbuat xidmətindən isə bildirilib ki, Enerji Satışı Departamentinin aparıcı mühəndisi Oqtay Musayevin hansı səbəbdən vəfat etməsinə dair onlarda rəsmi məlumat yoxdur.

Qeyd edək ki, bir neçə gün bundan əvvəl “Azərişıq” ASC-nin daha bir əməkdaşının da koronovirusdan ölməsi barədə məlumat vermişdik. / oxu.az
hemlemedia.az