Azərbaycanda keçiriləcək III MDB Oyunlarında Ermənistan idmançılarının iştirak edib-etməyəcəyi müzakirə edilir.
Bu barədə Ermənistanın təhsil, elm, mədəniyyət və idman naziri Janna Andreasyan məlumat verib.
Onun sözlərinə görə, bu məsələ ilə bağlı qərar müxtəlif amillərlə, o cümlədən erməni idmançıların təhlükəsizliyi ilə bağlıdır. "Müvafiq qərar qəbul ediləndə biz bunu ictimaiyyətə açıqlayacağıq", - deyə Andreasyan bildirib.
Oyunların Təşkilat Komitəsinin Azərbaycan üzrə nümayəndəsi Aygül Ağayeva bildirib ki, ölkəmizdə keçiriləcək III MDB Oyunlarına Ermənistan idmançılarına iştirak üçün dəvət göndərilib.
Qeyd edək ki, III MDB Oyunları 2025-ci il sentyabrın 28-dən oktyabrın 8-dək keçiriləcək. Yarışlar 23 idman növü üzrə Gəncə, Yevlax, Mingəçevir, Qəbələ, Şəki, Göygöl və Xankəndi şəhərlərində baş tutacaq.
“Kreml Paşinyanın sammitdə iştirak etməməsinin səbəblərindən xəbərdardır”
MDB dövlət başçıları MOSKVADA TOPLANIR - Masada nələr var?
Prezident bu idmançıları mükafatlandırdı - SƏRƏNCAM
MDB hökumət başçılarının növbəti iclası bu ölkədə keçiriləcək
MDB XİN başçıları Səmərqənddə toplaşırlar