Rusiya ilə NATO arasında münaqişə bu tarixdə başlayacaq: Hazırlıq gedir

NATO Rusiyaya qarşı aqressiv niyyətlərini gizlətmir və açıq şəkildə münaqişənin mümkünlüyündən danışır, hətta buna hazırlaşır.

Bunu “Əfqanıstan Veteranlarının Rusiya İttifaqı” Ümumrusiya ictimai təşkilatının rəhbəri Frans Klintseviç bəyan edib.

Ekspert qeyd edib ki, NATO Rusiyaya qarşı daha güclü imkanlardan və yanaşmalardan istifadə etmək qərarına gəlib, çünki onlar başa düşüblər ki, bu gün Ukrayna Silahlı Qüvvələri ilə planlaşdırılanları artıq etmək mümkün olmayacaq.

“Aparıcı liderlərin müharibənin əslində 2029-30-cu illərdə başlayacağı ilə bağlı bütün bu danışıqları da boş blef deyil”, - deyən Klintseviç NATO üzv ölkələrinin artıq ictimai rəyi buna hazırlamağa başladığını deyib.

Ekspert qeyd edib ki, bir sıra Avropa ölkələrində Ukraynada Rusiyaya qarşı silahlı qüvvələrin mümkün tətbiqi ilə bağlı fəal hazırlıq gedir. Klintseviç xüsusilə qeyd edib ki, Fransanın hava-desant diviziyasının iki briqadası artıq iki ildir ki, Rumıniya ərazisində yerləşir və onlar Ukrayna ərazisində mümkün hərbi əməliyyatlara hazırlıq və təlim keçirlər.