BAKI POLİSİ KÜÇƏLƏRDƏ ÇAĞIRIŞ EDİR – VİDEO

Bakı polisi binaların həyətlərində səsgücləndiricilər vasitəsilə “Evdəqal” çağırışı edir.

ONN media xəbər verir ki, bu barədə məlumatı Bakı Şəhər Baş Polis İdarəsi yayıb.

Çağırışda xüsusi karantin rejiminin sərtləşdirilməsi ilə əlaqədar şənbə və bazar günlərində yaşayış yerinin tərk edilməsinin qadağan olunduğu və tələbin yerinə yetirilməməsinin hüquqi məsuliyyət yaratdığı bildirilir.

Qeyd edək ki, bu gün saat 00:00-dan 8 iyun saat 06:00-dək Bakı, Sumqayıt, Gəncə, Lənkəran şəhərlərinin və Abşeron rayonunun ərazisində küçəyə çıxmaq qadağan edilib.

ONN İnformasiya Agentliyi