Banklar kreditlərdən əsasən faiz gəliri əldə edirlər. Kredit götürən şəxs borcunu vaxtından əvvəl tam ödədikdə, bank həmin kreditdən gözlədiyi faiz gəlirinin bir hissəsini itirir. Məsələn, kreditin müddəti 3 il nəzərdə tutulubsa, bank həmin müddət ərzində faiz gəliri əldə edəcəyini planlaşdırır. Lakin müştəri borcunu vaxtından əvvəl qaytardıqda, bank yalnız istifadə olunmuş dövr üçün faiz alır və gələcəkdə qazanacağı məbləği itirmiş olur.
Bundan əlavə, bank həmin vəsaiti başqa bir kredit şəklində yerləşdirmək üçün yeni müştəri tapana qədər müəyyən müddət ərzində qazancsız qalır. Bu da onun likvidlik planlamasına təsir edir. Bəzi banklar buna görə vaxtından əvvəl ödəniş üçün əlavə komissiya tətbiq edirlər ki, itkilərini müəyyən qədər kompensasiya etsinlər.
Krediti vaxtından əvvəl ödəmək əsasən borc alan şəxsə sərf edir, çünki bu halda faiz yükü azalır və ümumi borc məbləği daha az olur. Xüsusilə yüksək faizli kreditlərdə vaxtından əvvəl ödəniş etmək, uzunmüddətli faiz xərclərindən qurtulmağa imkan verir.
Bundan əlavə, kredit tarixçəsində müsbət qeyd kimi görünə bilər və gələcəkdə yeni kreditlər götürərkən daha sərfəli şərtlərlə təklif alma şansını artıra bilər. Kreditin vaxtından əvvəl bağlanması borc alan şəxsin psixoloji rahatlığını da təmin edir, çünki əlavə maliyyə öhdəliyi qalmır.
Ancaq burada bankların bəzi hallarda vaxtından əvvəl ödəniş üçün komissiya tələb etdiyini nəzərə almaq lazımdır. Əgər bu komissiya faiz yükündən daha yüksəkdirsə, kreditin tez bağlanması o qədər də sərfəli olmaya bilər.
Zamindən xəbərsiz kredit məbləği artırıla BİLƏR?
Banklar təkrəqəmli faizlə kredit verəcək? – Yollar və səbəblər göstərildi
Martın 1-dən kreditini ödəyə bilməyənlərə şad xəbər!
Əli Əsədov vergitutma qaydası ilə bağlı QƏRAR İMZALADI
Şəhid ailələri və qazilərimizin kredit borcları silinib