Ermənistanın keçmiş prezidenti Robert Koçaryan 1999-cu ildə Azərbaycanla aparılan danışıqlarda “Mehri rayonu ilə Qarabağın barter” edilməsi iddiası haqda çıxış edib.
Ermənistanda son günlər Koçaryanın dövründə Mehrinin Azərbaycana verilməsi qarşılığında Qarabağın Ermənistana birləşdirilməsi iddiaları müzakirə edilir.
Bu məsələ ABŞ Dövlət Departamentinin məxfiliyini ləğv etdiyi sənədlərdə əksini tapır. Plana görə, Mehri və Qarabağın barter edilməsi gündəmdə olub.
Koçaryan bildirib ki, bu məsələ 1999-cu ildə gündəmdə olsa da, rəsmi şəkildə irəli sürülməyib.
“Bu məsələ 2001-ci ildə Ki-Uest danışıqlarında irəli sürülüb. Plana görə Qarabağ Ermənistana birləşdirilməli, Mehri isə Azərbaycana. Azərbaycan suveren hüquqlara malik olan dəhliz əldə edirdi. Bu müzakirə edildi, lakin sonra Bakı bu variantı rədd etdi”, - o bildirib.
Koçaryan hesab edir ki, Mehri mövzusu Ermənistanın hazırki hakimiyyəti tərəfindən məqsədyönlü şəkildə tirajlanıb: “Çünki bu hakimiyyət Azərbaycana Mehdirən istədiyi dəhlizi vermək istəyir”.
2001-ci ildə Ki-Ustdə keçirilən danışıqlarda Mehri və Qarabağ məsələsi gündəmdə idi, lakin rəsmi Bakı bundan imtina etdi, danışıqların birbaşa iştirakçısı olan Koçaryan da bunu təsdiq edir. Həmin vaxt danışıqlar aparan prezident Heydər Əliyevin siyasətini davam etdirən Prezident İlham Əliyev Qarabağı – işğal olunmuş bütün əraziləri azad etdi, suverenliyimiz bərpa olundu və Ermənistanı Mehridən Azərbaycana dəhliz verməklə bağlı öhdəlik götürməyə məcbur etdi.
Koçaryanın girovluq pulunu Rusiyadakı erməni iş adamları ödəyib
ABŞ-Ermənistan strateji sənədində Azərbaycana qarşı nələr var? - DETALLAR
Erməni din xadimi: Koçaryanın baş nazir postuna namizədliyi müzakirə olunmayıb
"Qərb Paşinyandan ilin sonunadək sülh müqaviləsini imzalamağı tələb edib" - KİV
Ermənistan Rusiyaya torpaqlarını verdi