Bu gecə "planetlərin paradı"nı müşahidə etmək üçün ən yaxşı vaxtdır. Belə ki, Venera, Mars, Yupiter, Saturn, Uran və Neptun eyni zamanda görünmə zonasında olacaqlar.
Venera, Mars, Yupiter və Saturnu adi gözlə, Uran və Neptunu isə binokl və ya teleskopla görmək mümkün olacaq. "Planetlərin paradı" 21 yanvardan 25 yanvara qədər davam edəcək.
Venera və Saturn səma qübbəsinin cənub-qərbində, Yupiter cənubda, Mars isə cənub-şərq və ya şərqdə görünür. Bu planetlər digər ulduzlardan daha parlaq olacaq, Mars qırmızımtıl-narıncı nöqtə kimi görünəcək.
Yeri gəlmişkən, fevralın sonunda "parad"a Merkuri də qoşulacaq. Beləliklə, Günəş sisteminin bütün planetlərini görmək mümkün olacaq.
Qeyd edək ki, "kiçik parad" səmada dördə qədər planetin bir-birinə yaxın toplaşmasıdır və bu, kifayət qədər geniş yayılmış hadisədir. "Böyük parad" - beşdən artıq planetin bir yerdə görünməsi isə nadir hallarda baş verir.
Yer kürəsinin sakinləri altı planetdən ibarət paradı izləyəcəklər
BDU-nun Astrofizika kafedrası qarşıdakı 50 ildə gözlənilən yeddi əsas astronomik hadisəni açıqlayıb
Rəsədxana açıqladı: Mars və Yer arasında maksimal yaxınlaşma...
İngiltərə astrologiya kollegiyasının prezidenti Bernard Fitzvalter koronavirus böhranının nə zaman bitəcəyi haqqında xüsusi proqnoz verib.
5 aprel 2022-ci il tarixində nə baş verəcək?