Braziliya Qazaxıstanın Aktau şəhərində qəzaya uğrayan Azərbaycan Hava Yollarına (AZAL) məxsus təyyarənin uçuş registratorlarını deşifrə etməyə başlayıb.
Bu barədə Braziliyanın G1 portalı məlumat yayıb.
"Çıxarılan məlumatlar qəzanın təhlili və təhqiqatına cavabdeh olan Qazaxıstan Hava Qəzalarının Təhqiqat Departamentinə veriləcək", - məlumatda deyilir.
Braziliya Hərbi Hava Qüvvələrinin (Força Aérea Brasileira - FAB) mütəxəssisləri "qara qutular"dakı məlumatları təhlil edəcəklər.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.
Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb. İlkin məlumata görə, təyyarə fiziki və texniki xarici müdaxilə nəticəsində qəzaya uğrayıb.
Prezidentdən təyyarə qəzasında xəsarət alan bələdçilərlə bağlı SƏRƏNCAM
Təyyarəmizi vuran "Pantsir" ekipajı dindirildi - Araşdırmanın hərbiyə aid hissəsi...
Təyyarə qəzasında vəfat edən 13 yaşlı Məhəmmədəli futbolçu imiş
"Meyitlər bərbad vəziyyətdədir, morqda identifikasiya olacaq"
Ekipaj üzvləri bu gün dəfn olunacaqlar