UEFA-nın klubların son 10 illik reytinqi açıqlanıb.
Siyahıda Avropanın 554 klubu yer alıb. 2015-2024-cü illər ərzində qitə kuboklarında iştirak etmiş Azərbaycanı bu reytinqdə 9 klub təmsil edir.
Azərbaycan klubları arasında ən yaxşı nəticə "Qarabağ"a məxsusdur. Qurban Qurbanovun rəhbərlik etdiyi Ağdam təmsilçisi 53,000 xalla Avropada 65-ci yeri tutur və "Atletik", "Betis", "Volfsburq" kimi klubları geridə qoyub.
"Neftçi" 11,750 xalla 260-62-ci yerləri bölüşərək Tbilisi "Dinamo"su və "Suduva" ilə eyni xallara malikdir.
"Qəbələ" isə 10,500 xalla 282-87-ci yerləri bölüşür. Digər Azərbaycan klubları - "Zirə", "Sabah", "Səbail", "Sumqayıt", "Şamaxı" və "Kəpəz" 7,675 xalla 348-353-cü yerlərdə qərarlaşıblar.
Qeyd edək ki, reytinqə 265,000 xalla İspaniyanın "Real Madrid" klubu başçılıq edir.
UEFA-nın yeni reytinq cədvəli: “Qarabağ” Türkiyə klubundan cəmi bir pillə geridədir
"Qarabağ" klubu dünya reytinqində daha 12 pillə gerilədi
Premyer Liqa: “Neftçi” “Zirə”ni məğlub edib - YENİLƏNİB
Premyer Liqa: “Zirə” “Səbail”i, “Turan Tovuz” “Kəpəz”i qəbul edəcək
Azərbaycan Premyer Liqasında sonuncu tur vacib oyunlarla başlayır