Rusiya Xarici İşlər Nazirliyinin sözçüsü Mariya Zaxarova Ukraynanın Rusiya ərazisini uzaqmənzilli raketlərlə vurmasına icazə verildiyi təqdirdə onların cavabının 4 ölkə üçün sarsıdıcı olacağını bildirib.
Mariya Zaxarova Moskvada keçirdiyi mətbuat konfransında cari məsələləri dəyərləndirib.
O, Qərbin Ukraynanın Rusiya ərazisinə uzaqmənzilli silahlarla hücum etməsinə icazə vermə ehtimalından danışıb. Zaxarova Vaşinqton, London, Paris və Brüsselin “atəşlə oynadığını” bildirib:
"Əgər Kiyevə bu məsələdə icazə verilsə, biz bunu NATO ölkələrinin Rusiya ilə birbaşa silahlı münaqişəyə girməsi kimi qiymətləndirəcəyik. Bu, münaqişənin mahiyyətini dəyişəcək. Qərbin uzaqmənzilli sistemlərinin ərazimizə qarşı istifadəsinə mütləq cavab veriləcək. Bu cavab onlar (Qərb ölkələri) üçün sarsıdıcı olacaq”.
Zaxarova NATO-nun baş katibi Mark Ruttenin alyans ölkələrinə “Ukraynaya hərbi dəstəyi artırın” çağırışını dəyərləndirib. O qeyd edib ki, bu çağırış gərginliyi azaltmaq, danışıqlara başlamaq və problemi siyasi diplomatik üsullarla həll etmək məqsədi daşımır.
Ukraynada sülhə nail olmağın Qərbin planlarında olmadığını qeyd edən Zaxarova "Qərb Ukraynanın əli ilə ölkəmizə qarşı hibrid müharibəni davam etdirmək niyyətindədir" deyib.
Baltik dənizindəki vəziyyətə toxunan XİN rəsmisi, Baltikin NATO-nun daxili sularına çevrilməsinə imkan verməyəcəklərini bildirib.
Zaxarova həmçinin Moldovanın ötən həftə öz ərazisində qəzaya uğrayan pilotsuz uçuş aparatlarının (PUA) Rusiyaya məxsus olması ilə bağlı bəyanatının əsassız olduğunu vurğulayıb.
"Bu ölkəyə adekvat cavab veriləcək" - Zaxarova
Putindən Qərbə CİDDİ XƏBƏRDARLIQ: "Müvafiq qərarlar qəbul edəcəyik"
Türk ekspertdən ŞOK XƏBƏDRALIQ: "Ona verilən icazə son dərəcə təhlükəli ola bilər"
"NATO-da kollektiv ideyalar yoxdur, yalnız bir dövlətin üstünlüyü var"
Qərbin postsovet məkanı ilə bağlı QORXULU PLANI - Moskva KARTLARI AÇDI