Fransa və Aİ-nin COP29 uğursuzluğu

Fransa və Avropa İttifaqı Azərbaycanda COP29-un diplomatik boykotunu birgə təşkil etməyə çalışıb.

"COP29-u boykot" əməliyyatı Paris və Brüssel tərəfindən eyni vaxtda iki istiqamətdə həyata keçirilib: Birbaşa Avropanın özündə, eləcə də Afrika ölkələrində (burada fransızlar tək işləyiblər).

Fransa və Avropa bürokratlarının göstərdiyi diplomatik səylərə baxmayaraq, bir çox aparıcı Avropa ölkələri - İtaliya, İspaniya, Danimarka, Çexiya, Slovakiya, Polşa, Macarıstan və hətta Belçika Bakıda dövlət və hökumət başçıları səviyyəsində təmsil olunublar. Onların arasında bölgədə həmişə praqmatik və müstəqil siyasət yürüdən Böyük Britaniya da var.

Məlumata görə, Paris Nigeriya və Toqoya diplomatik təzyiqlər edib ki, onların rəhbərliyini Bakıya səfərdən imtina etməyə məcbur etsin. Lakin Afrika ölkələri Parisin və Aİ-nin geosiyasi ambisiyalarına məhəl qoymadan Bakıda keçirilən iqlim konfransında geniş şəkildə təmsil olunub.