COVID-19 pandemiyasının yayılma təhlükəsi səbəbindən sərnişinlər üçün sərhədlərin bağlanmasına görə, Azərbaycanda qalan daha 18 Qazaxıstan vətəndaşı və bu ölkədə yaşamaq hüququ olan 6 Azərbaycan vətəndaşı bu gün Qazaxıstana yola salınıb.
ONN media xəbər verir ki, bu barədə “Bakı Beynəlxalq Dəniz Ticarət Limanı” QSC-dən məlumat verilib.
Bildirilib ki, “Azərbaycan Xəzər Dəniz Gəmiçiliyi” QSC-nin “Professor Gül” bərə-gəmisi ilə yola salınan vətəndaşlar ilk olaraq Bakı Limanında COVID-19 testindən keçiblər və testin nəticəsi bütün sərnişinlərdə neqativ çıxıb.
Xatırladaq ki, cari il mayın 13-dən Qazaxıstanda karantin dövründə sərhədin keçilməsinə dair yeni qaydalar qüvvəyə minib, bu səbəbdən Kurık limanı ölkə vətəndaşları və ölkədə yaşamaq icazəsi olan xarici vətəndaşların qəbulunu bərpa edib. Mayın 20-də 35 Qazaxıstan vətəndaşı və 8 xarici ölkə vətəndaşı Bakı Limanından yola salınıb.
ONN İnformasiya Agentliyi
BAKI- İSTANBUL AVTOBUSUNDA YANĞIN
“LAÇIN” DÜNYA SULARINA ÇIXDI
Gürcüstan həbsxanalarında 93 vətəndaşımız saxlanılır
BAŞ NAZİRDƏN XÜSUSİ KARANTİN REJİMİ İLƏ BAĞLI QƏRAR Baş Nazirdən xüsusi karantin rejimi ilə bağlı QƏRAR
Karantin dövründə Türkiyədən mənzil alan azərbaycanlıların SAYI AÇIQLANDI